اعترافاتكم المدرسية

هدا الموضوع نزلتو من قبل
لكن للاسف انحزف بالغلط
لهيك بدنا من بعد ازنكم ترجعو تكتبو مواقفكم الطريفة او ازا بتحبو غيرها ما في مشكلة

يعني لو سمحتو يا فراشة الربيع و راما و فارس الاحلام وصباح الوطن ترجعو تكتبولنا مواقف الحلوة

تحياتي

ولا يهمك رزونة
راح ارجع اكتب المواقف الي صارت معي مع انو كنت جايبلكم موقف جديد

هدا وانا بالتوجيهي اعملنا عمايل انا وصاحباتي كنا امسمين حالنا شلة عصابات وكانت عنا معلمة انجليزي ياحرام مسكينة وهبلة واحنا مرات بنصلح كلامها بالحصة لانو كنا نفهم مومنها من المراكز يلي اخدناها؟؟؟واحنا ماشالله نستغل هالشي ومرة اتفقنا مع بنات صفي انو انضب كتبنا ولما تدخل لمعلمة نحكي انو انسينا كتبنا وفعلا دخلت معلمة وستغربت ليه ولا كتاب موجود وسألتنا وين كتبنا وحكينالها انو انسيناهم وهيا انجنت ال مابصير الصف ينسا كتبو مرة وحدة وراحت ع المديرة والمديرة ماشالله رداحة درجة اولى وصوتها بوزن بلد فإحنا لما طلعت لمعلمة ع مديرة طلعنا كتبنا وصرنا نكتب الحل يلي كتبتو لمعلمة ع اللوح واجت المديرة ونصدمت لانو كان طايلين الكتب والكل بحل وال شو لمعلمة تحكي للمديرة انو نحنا كذابين واحنا نحكي للمديرة ال الله يسامحكم احنا ماعملنا هيك وطبعا المديرة اعطتنا محاضرة بتجنننننننن ع سوء تصرفنا( وطبعا لانو اخر سنة كانت فلازم انعجب مشان ذكرى وكتير مواقف اعملتها بلمعلمة انجليزي الله يعينها) وتوتة توتة خلصت الحتوتة هههههههههه

والله يا راما مش مقصرة
والبنت مسكينة شو زنبها

انا متاكدة انو راما مخبية اكتر
منستنى تحكيلنا

انا يوم من الايام كان علينا حصة تكنولوجيا
فوق انو مادة التكنولوجيا بتزهق كانت علينا الحصة السابعة يوم الخميس

يعني الواحد مش طايق حالو وبدو بس يروح

كنت يوميها جايبة علكة اشي مش طبيعي
وزعت على البنات واعطيت كل وحدة تلاتة واربعة
واتفقت معهم كلنا ناكل بالحصة ولما المعلمة تمسك وحدة نطلع كلنا نكبها بالزبالة

دخلت المعلمة وبلشت تشرح وتشرح وتشرح
والمسكينة منسجمة بالشرح

تلف المعلمة وجها وتشوف البنت بتاكل علكة وتسمعها كلمتين وتحكيلها اطلعي كبيها بالزبالة
البنت بترد عليها مش انا لحالي باكل العلكة
الملعمة بتحكيلنا بكل ثقة اي وحدة معها علكة تطلع تكبها بالزبالة

ويطلعلكم كل الصف يكب العلكة

انصدمت المعلمة صارت تضحك علينا وعلى حالها
وصارت تحكيلنا حسستوني انو انا هبلة

وعنجد كان يومها يوم نكتة