.: ممكن أترعش (فتاة مصرية ) :.

من طرف **فراشة المنتدى** 05.06.10 16:55

ممكن أترعش
واخاف وارتجف
أصلى ف الحقيقة
مليت دور الجريئة
نفسى أرجع بريئة
ومن خيالى أتكسف

****

نفسى أرجع لتوبى
يستر خجلى عيوبى
أتنازل عن غرورى
وبضعفى أعترف

****

طموحى ماهوش جنون
يقلب موازين الكون
إثبات كيانى وذاتى
أبسط من إنى أهاتى
بكلام مش موزون

****

الحرية إراده
مش خرق قانون العادة
أو أطالب بالزيادة
أنا كائن حر أصلاً
بس بغبائى فعلاً
باسلب روحى السيادة